Iqtidorlar kashf etildi

San’at inson qalbiga ajib tuyg‘ularni uyg‘otadi. Ruhan, ma’nan xordiq chiqaramiz. San’atga oshno qalblar faqat va faqat go‘zallik yaratishga, atrofga nafosat ulashishga qodir bo‘ladi, ulardan yomonlik chiqmaydi. Shu sababdan ham yoshlarning iqtidorini kashf qilishga, san’atga yo‘naltirishga urinamiz.
Qashqadaryo viloyati Shahrisabz shahrida “Shahrisabzda yangi yulduzlar” deb nomlangan respublika ko‘rik-tanlovi o‘tkazildi. Ushbu musiqiy va ijodiy tanlovda yangidan-yangi iqtidorlar kashf etildi. Ana shunday san’atga oshufta qalblar ishtirok etdi va o‘z iste’dod hamda mahoratlarini namoyish etishdi. Ular orasida Termiz tumani 13-sonli bolalar musiqa va san’at maktabining o‘quvchilari ham chang va tasviriy san’at yo‘nalishi bo‘yicha ijodiy ishlari bilan ishtirok etib, faxrli II-III o‘rinlarni egallab qaytishdi.