Mezbon jamoa g‘olib

Ko‘plab tanlov, olimpiada va sport musobaqalarining respublika bosqichiga Surxondaryo viloyati mezbonlik qilayotir. Albatta, munosib tayyorgarlik ko‘rilgan manzillarda tanlov-u musobaqalar risoladagidek, haqqoniy va shaffof tarzda o‘tkazilmoqdaki, mehmonlarning ham tashrifdan, erishilgan natijalaridan boshi osmonda.
«Barkamol avlod» sport o‘yinlarining respublika bosqichi ham Surxondaryoda bo‘lib o‘tdi. Termiz davlat universiteti sport majmuasida boshlangan musobaqada akademik litsey va professional o‘quv muassasalari o‘quvchi-yoshlari ishtirok etdi.
Musobaqalarda respublikadan tashrif buyurgan 13 ta jamoa ishtirok etdi va qizg‘in bellashuvlarga start berildi. Ular orasida mezbon yoshlarlarning qo‘li baland kelib, faxrli 1-o‘rinni egallashdi. Xususan, Muzrabot, Qiziriq va Bandixon tumanlaridagi professional ta’lim muassasalari jamoalari g‘oliblikni qo‘lga kiritib, O‘zbekiston Respublikasi Oliy ta’lim, fan va innovatsiyalar vazirligining birinchi darajali diplomi va qimmatbaho sovg‘alari bilan taqdirlandilar.