Hamkorlik samara beradi… mi?

Aslida o‘quvchining darslarni qoldirmay, o‘qib-o‘rganishi o‘zi uchun foyda. Ammo, negadir davomat masalasida o‘quvchilarning sustkashlikka yo‘l qo‘yayotgani kuzatilmoqda. Holbuki, davomat masalasida maktablar Milliy gvardiya hamkorligida nazorat o‘rnatilgan bo‘lsa-da, o‘quvchilar, ularning ota-onalari qo‘llaniladigan qat’iy choralardan-da hayiqishmayotganga o‘xshaydi.
Ayni maqsadda Surxondaryo viloyati Maktabgacha va maktab ta’limi boshqarmasi xodimlari, Milliy gvardiya, mahalla “yettiligi”, maktab vakillari va boshqa mas’ullardan iborat ishchi guruhi a’zolari Denov tumanidagi umumta’lim maktablarida tahsil oladigan davomati past o‘quvchilarning xonadonlarida bo‘lib, o‘rganish ishlarini olib borishdi.
Bunda o‘quvchilarning dars qoldirish sabablari aniqlanib, oilaviy holati bilan tanishildi. Ota-onalarga o‘g‘il-qizlarning ta’lim-tarbiya olishlari uchun zarur sharoitlar yaratish lozimligi va sababsiz dars qoldirish javobgarlikka sabab bo‘lishi bo‘yicha tushuntirishlar berildi.
Surxondaryo viloyatining barcha hududlarida bu kabi profilaktik tadbirlar davom ettiriladi.