“Yashil makon”: Boysun tumani misolida

Atrofimizda yashil hududlar kengaysa, yashil qalqonlar shakllantirilsa, bundan faqat va faqat foyda ko‘ramiz, rohatlanamiz. Demakki, yurtimizda keng quloch yoygan “Yashil makon” umummilliy loyihasi nafaqat bugunimizga, balki yaqin va uzoq kelajagimizga daxldor hayotiy harakatdir.
Davlatimiz rahbari tomonidan hududlarda “Yashil makon”larni barpo etish, chiqindilarni boshqarish tizimini takomillashtirish yuzasidan videoselektor yig‘ilishi kuyunchaklik ila so‘zlab, el-u xalqni faollikka chorlaganlarining boisi ham shundan. Chorlovga “labbay” deya javob qaytargan xalqimiz bugun yengni shimarib, ishga kirishgan. “Yashil makon” umummilliy loyihasi doirasida Boysun tumanida ham bir qator amaliy ishlar olib borilmoqda.
Jumladan, tumandagi “Munchoq” mahallasiga qarashli “Panjob” uchastkasida yosh- katta — ko‘ngillilar ishtirokida o‘n ming tup tut ko‘chatlari ekildi.