Iqtidorlilarga oydin yo‘l

Kasb-hunar sirlarini o‘rganmoqlik yoshlarning qiziqishlariga munosib qo‘llov bo‘lsa, o‘zlarini band qilishlari uchun eng yaxshi choradir. Bekorchilikdan, hech bir ish qilmaslikdan bir hunar o‘rganish afzaldir. Sho‘rchi tumanidagi 3-kasb hunar maktabida o‘quvchilarni o‘zlari qiziqqan kasb-hunar sir-asrorlarini mukammal o‘zlashtirishlari uchun barcha zaruriy sharoitlar yaratilgan.
O‘quvchi-yoshlar iqtidor va qiziqishlariga qarab, to‘garak mashg‘ulotlariga yozilib, faol ishtirok etishlari mumkin. Maktab ta’limidan so‘ng, yoshlarni o‘z bag‘riga chorlab, munosib tanlov qilishlari va natijada ushbu kasb-hunar maktabida hunar o‘rganishlari mumkin.
Ho‘sh, ushbu maskanda qanday kasb-hunar o‘rgatilar ekan? Tashkil etilgan “Ochiq eshiklar kuni” bahonasida maktab bitiruvchilari ayni savollariga javob olishlari mumkin bo‘ldi. Tadbirda o‘quvchilar yo‘nalishlar bo‘yicha ma’lumotlarga ega bo‘lib, o‘zlarini qiziqtirgan savollarga javob olishdi.