Surxondaryoda kartoshkadan yangi hosil olindi

Janubiy hudud sanalmish Surxon vohasining iqlim sharoiti o‘ziga xos. Buning foydasini ekinlarimizning erta hosil berishidan, mevalarning-da, birinchi bo‘lib, Surxondaryoda pishib yetilishidan bilsak bo‘ladi. Denov tumanida ham tomorqadan unumli foydalangan Behruz Odinayev qishning qoq chillasida kartoshkadan yangi hosil oldi.
Behruz Odinayev dehqonchilik kasbini puxta o‘zlashtirgan. 15 sotix yer maydonida issiqxona tashkil etib, yiliga 3 marotaba ekin ekib, 35-40 million so‘m sof daromad olib kelmoqda. Uning so‘zlariga ko‘ra, erta bahorda boshqa poliz hamda sabzavot mahsulotlaridan ham hosil olishni niyat qilgan.
Darhaqiqat, uning mehnatsevarligi ortidan bugun nafaqat mahalladoshlari balki tuman aholisi ham bahramand bo‘lmoqda.