Boysunga borgan mehmon o‘zga bir dunyoga tushib qolgandek bo‘ladi. Milliylikka qaytib, o‘zbekona urf-odalarning, qadriyatlarimizning qadr topayotganiga milliy hunarmanchligimizning noyob durdonalari orqali amin bo‘ladi. Albatta, qandaydir buyum, libosmi xarid qilib, Boysunning bir bo‘lagini o‘zi bilan olib ketishni istaydi.
Boysunliklarning katta-yu kichigining qo‘li gul, yo hunarmand, yo chevar. Yasayotgan, tikayotgan san’at asarlariga milliylikni jo etishning uddasidan chiqqan insonlar. Tumanda ustoz-shogird an’anasi yaxshi yo‘lga qo‘yilganki, ayni shuning uchun ham yoshgina hunarmanddan ham mohirona qo‘l ishi yaratilganining guvohi bo‘lasiz. Barkamol avlod bolalar maktabining hunarmandchilik to‘garagi a’zolari ham qo‘llari ancha kelishib qolgan yosh hunarmandlardan. Ular tomonidan tashkil etilgan ko‘rgazmada esa milliy qadriyatlarimizning alohida o‘rni bor. Bu esa har bir yoshning, tomoshabinning qalbiga milliy g‘urur va iftixor bag‘ishlaydi.
Yosh hunarmandlar ko‘rgazmasi tashkil etildi
Date:
