Maktabga qo‘shimcha bino qurilmoqda

Ta’lim sohasini tubdan isloh qilish, takomillashtirish davr talabidir. Shu maqsadda amalga oshirilgan islohotlar yoshlarning munosib ta’lim-tarbiya olishiga xizmat qilayotir. Bandixon tuman markazidan qariyb 25 kilometr uzoqlikda joylashgan 38-umumta’lim maktabi 80 o‘ringa mo‘ljallangan bo‘lib, o‘quvchilar uchun sinfxonalari shu vaqtga qadar yetishmaydi, borlari esa tor. O‘quvchi-yoshlar uchun zarur shart-sharoitlarni yaratish maqsadida maktabga qo‘shimcha bino qurish ishlari olib borilmoqda. Tuman hokimi A.Allamuradov, sektor rahbarlari hamda mas’ullar ishtirokida mazkur maktabga qo‘shimcha 2 qavatli 180 o‘rinli binoning qurilish ishlari bilan tanishildi.
O‘rganish davomida yangi maktab binosini sifat me’yorlarini talab darajasida qurish ishlari nazorat qilindi. Shuningdek, umumta’lim maktabida tashkil qilingan “Ma’naviyat sektori”, kuz-qish mavsumi holati o‘rganilib, pedagog va o‘quvchi-yoshlar uchun ta’lim sohasida yaratilgan imkoniyat hamda sharoitlar o‘rganildi.