Ish izlab ko‘ngildagidek ishni topa olmagandan keyin ko‘pchilik yoshlar xorijga chiqib ishlashni reja qiladi. Shunday paytda qayerga borish, kimga murojaat qilish kerakligini bilmay, ikkilanib qolishadi. Odam savdosi bilan shug‘ullanuvchi insonlarning domiga tushib qolmasa-ku ha ho‘b, aks holda…
Yoshlarga to‘g‘ri yo‘l-yo‘riq ko‘rsatish maqsadida Termiz shahrida Oliy ta’lim, fan va innovatsiyalar boshqarmasi, Respublika ta’lim va bandlik klasteri hamda Janubiy Koreyaning Korean Center kompaniyasi hamkorligida xorijiy tillarni o‘rganib, kasb egallash, viza olish mavzusida seminar o‘tkazildi.
Kompaniya vakili Mr. Choi boshchiligidagi delegatsiya Janubiy Koreyadagi mavjud imkoniyatlar to‘g‘risida professional ta’lim muassasalari o‘quvchilari hamda ota-onalarga ochiq muloqot tarzida aniq ma’lumotlar berishdi. Viloyatdagi professional ta’lim muassasalarining bitiruvchilari, ota-onalar o‘zlarining qiziqtirgan savollariga javoblar olishdi.
