Imkoni bor yerga urug‘ qadab, ekin-tikin qilib ham daromad topsa, kimdir chorvachilik ortidan ham yaxshigina foyda ko‘rishi mumkin. Qo‘rasida mol-holi bo‘lganning pichog‘i moy ustida bo‘lishi aniq. Sababi, mol-qo‘y o‘zidan ko‘payib, qolaversa, go‘shti bilan ham tosh bosib, egasini boy qiladi. Tuyog‘i bilan sotsangiz ham, mehnatingiz yerda qolmaydi.
Sho‘rchiliklar ham yo tomorqa, yo chorvachilikni kasb etib kam bo‘lishmayapti. Ana shunday chorvadorlardan Farhod Mustanov ham uch-to‘rt yilki, chorvachilik bilan shug‘ullanib, ro‘zg‘ori uchun yaxshigina daromad olib kirmoqda. Boshlanishida bir nechta bosh qoramol bilan ishni boshlagan chorvadorning hozirda 50 bosh qoramoli bor. Bu bilan kifoyalanmagan F.Mustanov faoliyatini kengaytirishni niyat qilgan.
Izlagan imkon topar…
Date:
