Ishtirok munosib baholandi

Yoshlar yetakchisi mahalladagi yoshlarning bo‘sh vaqtini mazmunli tashkil etish maqsadida tashabbus ko‘rsatadi. Turli loyihalar ishlab chiqadi, yigit-qizlarning qiziqishlarini hisobga olgan holda barchani jalb etishga harakat qiladi. Yetakchi boshqalarni o‘ziga ergashtira oladigan, lider bo‘la olishi kerak.
Shu bilan birga o‘z ustida ishlab, yangicha uslubda ishlab, o‘zini ko‘rsata olishi bilan ibrat va namuna bo‘ladigan yoshlar yetakchilari ham yo‘q emas. Ularning faoliyati, amalga oshirgan ishlari esa atrofdagilarga ibrat va namuna bo‘lmoqda. Sariosiyo tumani “Billur” mahallasi yoshlar yetakchisi Dilmurod Sattorov ham ana shunday yetakchilardan. U O‘zbekiston va Germaniya davlatlari orasida o‘tkazilgan “Ilm-fan yetakchisi” ko‘rik-tanlovida ishtirok etib, o‘zini sinab ko‘rmoqchi bo‘ldi. Quvonarlisi, ishtirok munosib baholandi va Dilmurod g‘olib deb topildi hamda “Ilm-fan yetakchisi” medali bilan taqdirlandi.