Ishga joylashtirildi…

Ishsiz va ishlash istagi boru, ammo nima qilishni, qaysi eshikni qoqishni bilmaydiganlar uchun mehnat yarmarkalarining tashkil etilishi ayni muddaodir. Bu munosib ish o‘rnini tanlash imkonini beradi. Qiziriq tumanida sektor rahbarlari hamda tuman Kambag‘allikni qisqartirish va bandlikka ko‘maklashish bo‘limi xodimlari tomonidan tashkil etilgan mehnat yarmarkasi ayni maqsadni ko‘zladi.
Mehnat yarmarkasiga ish izlab yurgan 80 ga yaqin fuqaro ishtirok etdi va ular ishga joylashish hamda mehnat qonunchiligi yuzasidan maslahatlar olishdi. Mehnat yarmarkalari fuqarolar uchun manfaatli bo‘ldi va ularning 18 nafari davlat tashkilotlariga, 42 nafari jamoat ishlariga, 20 nafari esa tadbirkorlik subyektlariga ishga joylashtirildi.