Yaponiya delegatsiyasi ham Surxondaryoga keladi

Yaponiyada xizmat safari chog‘ida Surxondaryo viloyati hokimi Ulugʻbek Qosimov boshchiligidagi delegatsiya viloyat taqdiriga daxldor kelishuvlarga erishayotgani quvonarli hol, albatta. Mehmondo‘st yaponlarning ham yurtimizga tashrifi bundan-da manfaatli bo‘lishi aniq. Shu maqsadda delegatsiyamiz a’zolari Kanagava prefekturasi gubernatori Yudzi Kuroiva bilan uchrashdi.
Unda Oʻzbekiston va Yaponiya oʻrtasidagi hamkorlik keng rivojlanib borayotganligi qayd etildi hamda savdo-iqtisodiy, investitsiyaviy va turizm sohalarida hamkorlikni kengaytirish, fan, taʼlim, gumanitar va madaniy aloqalarni oʻrnatish masalalari muhokama qilindi. Yakunda kelgusi yilda Kanagava prefekturasi delegatsiyasi ham Surxondaryo viloyatiga tashrif buyuradigan bo‘ldi.