“Konstitutsiya erkinligimiz kafolati”

Sherobod tumanidagi 56-sonli umumta’lim maktabida “8-dekabr – O‘zbekiston Respublikasi Konstitutsiyasi qabul qilingan kun” yuqori saviyada nishonlandi. Tadbirda eng avvalo, konstitutsiyamizning mazmun-mohiyatini o‘quvchilar ongiga singdirish, ularning huquqiy ong va huquqiy madaniyatini yanada oshirishga qaratilgan chiqishlar qilindi. Shu bilan bir qatorda o‘quvchilar erishayotgan natijalar e’tirof etildi.
Tadbir doirasida bo‘lib o‘tgan “Konstitutsiya erkinligimiz kafolati” mavzusida ijodiy ishlar tanlovida esa o‘quvchilar faollik ko‘rsatishdi. Aytish kerakki, o‘quvchilar yozgan insholarda konstitutsiyamizning hayotimizdagi o‘rni, moddalar tahlili mustaqil fikrlar va munosabatlar bilan boyitilganki, bundan bugungi zamon yoshlarining nechog‘lik bilimliligini, qonunlarimiz va amalga oshirilayotgan islohotlarga daxldorligini tuyish mumkin.
Ijodiy ishlar tanlovining yakunida tashkilotchilar tomonidan tanlovda faxrli 1-, 2-, 3-o‘rinlarni egallagan o‘quvchilarga faxriy yorliq va esdalik sovg‘alari topshirildi.