Sport maktabi o‘z faoliyatini boshladi

Boshqa sohalar kabi sportga qaratilayotgan e’tibor yoshlarni ruhlantirib, kuch va shijoatini oshirishga xizmat qilayotir. Buni birgina Sariosiyo tumanida qad rostlagan sport maktabi misolida ko‘rish, bilish mumkin.
Bir oz muddat avval Tursunoy Ramazonova Surxondaryo viloyati hokimi Ulug‘bek Qosimovga murojaat yo‘llab, 22 ming aholi istiqomat qilayotgan Dashnobod hududida sport maktabiga ehtiyoj borligini aytgan edi. Ushbu murojaat ijobiy yechim topganidan bugun Tursunoy Ramazonovaning quvonchi cheksiz. Ushbu sport maktabida badiiy gimnastika, dzyudo, kurash, stol tennisi, shaxmat-shashka, raqs va ayollar fitnesi sport yo‘nalishlarida yoshlar vaqtlarini mazmunli o‘tkazishlari mumkin.
Yangi va zamonaviy, ko‘plab qulayliklarga ega ushbu sport maktabining tantanali ochilish marosimida tuman mas’ullari, mahalla faollari, sportchi yoshlar va keng jamoatchilik vakillari ishtirok etdi. Ramziy tasma kesilgandan so‘ng barcha maktabda yaratilgan imkoniyat va qulayliklar bilan yaqindan tanishdilar.