Yoshlarga yer ajratildi

Ishsiz va hech bir hunari yo‘q yoshlar uchun ham bugungi kunda mo‘may daromad olish imkoni bor. Sho‘rchi tumanining “Konabod” mahallasidan 5 gektar yer maydonida to‘qsonbosti ekinlarini ekish uchun 25 nafar migratsiyadan qaytgan hamda mahallalardagi ishsiz yoshlarga ajratib berilgani ayni muddao bo‘ldi.
Dehqonchilik qilish uchun yer olgan yoshlar shu kunning o‘zidayoq ishga kirishishdi. Ular ekin maydonidan samarali foydalanib, mehnat qilishni, daromad olishni maqsad qilishgan. Bu borada ko‘nikmaga ega bo‘lishlari uchun zarur tavsiya va maslahatlar berildi. Shuningdek, har bir yoshga bepul urug‘ va ko‘chatlar tarqatildi.