“Keksalar uchun turizm oyligi” doirasida

Pensiyaga chiqsam, dunyo kezaman, sayru sayohat qilaman deyishsa, to‘g‘risi ularga havas bilan termulamiz. Albatta, keksayganda ham o‘zingiz uchun sevimli mashg‘ulotlar bilan band bo‘lish, zavq-shavq olish hayotga mazmun bag‘ishlaydi. Ana shunday mazmun baxsh etadigan sabablar esa istak bo‘lsa topiladi. Shu maqsadda keksalarni e’zozlash, har tomonlama g‘amxo‘rlik ko‘rsatish, ularning katta hayotiy tajribalaridan oqilona foydalangan holda, ijtimoiy faolligini yanada oshirish borasida keng ko‘lamli ishlar amalga oshirilmoqda.
Sho‘rchi tumanining “Xushchekka” mahallasida “E’tibor-e’zoz-ehtirom” ma’naviy-ma’rifiy tadbiri tashkil etildi. Shundan so‘ng, 45 nafar mehnat faxriylari Samarqand va Buxoro viloyatlariga sayohat uchun yo‘lga chiqishdi. Ular sayohat bahonasida qadimiy shaharlardagi ajdodlarimiz mangu qo‘nim topgan qadamjo va ziyoratgohlarni ziyorat qilib, e’tiborga molik go‘shalarda bo‘lishadi.