Farzandim o‘qiyotgan maktabni bog‘-u rog‘ga aylantiraman

“Yashil makon” umummilliy loyihasi doirasida Surxondaryo viloyatida e’tiborga molik ishlar amalga oshirilmoqda. Loyiha ko‘plab aksiya-yu tadbirlarga ulanib, xalqning birdamligi, ahilligi namoyon bo‘layotir. Sariosiyo tumanidagi umumta’lim maktablari va maktabgacha ta’lim tashkilotlarida “Otam bilan daraxt ekaman” shiori ostidagi aksiya ana shunday ishlarning davomidir.
Farzandlar va ota-onalar birgalikda faollik ko‘rsatib, maktab va bog‘cha hovlisiga turli mevali va manzarali daraxt ko‘chatlarini ekishdi. Ushbu aksiya yashil makonlarni kengaytiribgina qolmay, o‘g‘il-qizlar qalbida ona tabiatga mehr uyg‘otish, otaning farzand tarbiyasidagi o‘rni va ma’suliyatini oshirishda muhim ahamiyat kasb etadi.