“Temurbeklar maktabi”ga endi ayollar ham qabul qilinadi

Bugun jamiyatning har jabhasida ayollarimiz erkaklar bilan bir qatorda yelkama-yelka turib faoliyat yuritayotgan, jonbozlik ko‘rsatayotgan bir paytda ularga qo‘shimcha imkoniyat va imtiyozlarning berilayotgani ular zimmasidagi mas’uliyatni ortig‘i bilan bajarayotganidan darak beradi. “Temurbeklar maktabi”ga endi ayollarning ham qabul qilinishi ana shunday imtiyozlardan biridir.
Bu bo‘yicha Prezident qarori (PQ–349, 30.10.2023 y.) bilan ayrim qarorlarga qo‘shimcha va o‘zgartirishlar kiritildi. Unga ko‘ra 2024/2025-o‘quv yilidan Milliy gvardiya Toshkent “Temurbeklar maktabi” harbiy-akademik litseyiga ayol jinsidagi O‘zbekiston fuqarolarini qabul qilish imkoniyati yaratiladi.