Qonunni bilish hayotimiz davomida turli muammo va chigalliklarga duch kelmasligimiz, kelganda ham uni qonun yo‘li bilan bartaraf etishimiz uchun muhim. Shu sababdan ham Surxondaryo viloyat adliya boshqarmasi mas’ul xodimi Q.Ulug‘ov ishtirokida intellektual mulk huquqlariga oid oldindan taqdim etilgan huquqiy manbalardan shakllantirilgan savollar asosida joylarda “Siz qonunni bilasizmi?” viktorinasi o‘tkazilib kelinmoqda.
Navbatdagi manzil Toshkent tibbiyot akademiyasining Termiz filiali bo‘ldi. Viktorina qiziqarli savol-javob tarzida hamda qonunchilikda belgilangan tartiblar mazmun-mohiyati yuzasidan ham tushuntirishlar berildi. Shuningdek, “O‘zbekiston – 2030” strategiyasining mazmun-mohiyati haqida ham to‘xtalib o‘tildi.
