… faoliyati o‘rganildi

Kasb-hunar maktablari va texnikumlar faoliyati yo‘lga qo‘yildi-yu, yoshlarning qiziqishi va tanloviga qarab ma’lum bir kasbga o‘qitiladigan bo‘ldi. Nazariy bilimlarning amaliyot bilan bog‘langani esa o‘rganuvchi-o‘quvchilarning malakasini oshirishga xizmat qilyapti. O‘quvchilarning tahsil olishi va amaliy mashg‘ulotlarni o‘tash jarayonlari bilan tanishish maqsadida Surxondaryo viloyati hokimi Muzrabot tuman kasb-hunar maktabida bo‘ldi.
Jarayon bilan bevosita tanishgan viloyat rahbari kasb-hunar maktabiga yanada malakali o‘qituvchi-murabbiylarni jalb etish, bitiruvchi yoshlarni yetuk kadrlar qilib tayyorlash, asosiysi qo‘shimcha ishchi o‘rinlari yaratib, bandligini ta’minlash bo‘yicha mas’ullarga kerakli topshiriq va ko‘rsatmalar berdi.
Aytish kerakki, ushbu kasb-hunar maktabida “Tashabbusli byudjet” loyihasi doirasida qurilish-ta’mirlash hamda muqobil energiya manbalarini joriy etish ishlari amalga oshirilgan. Tashrif bahonasida loyiha doirasida amalga oshirilgan ishlar ham ko‘zdan kechirildi.