Ona kitobxon bo‘lsa, farzandlar salohiyatli, ma’naviyatli bo‘lib ulg‘ayadi. Qo‘liga kitob tutmas onaning o‘g‘il-qizlaridan esa bu jihatlarni kutib o‘tirmang. Shu sababdan ham oilalarda onalarning kitobxonligini, ma’naviyatini oshirishning choralari ko‘rilayotir. Ayni maqsadni ko‘zlagan holda Uzun tumanidagi “Yangi yo‘l” mahallasida “Kitobxon ona” shiori ostida she’rxonlik tadbiri bo‘lib o‘tdi.
Onalarning farzandlarining bilim olishga bo‘lgan ishtiyoqi, kitobga bo‘lgan mehrini oshirishdagi hamiyati haqida so‘z borgan tadbir ishtirokchilar uchun muhim ahamiyat kasb etdi. Shuningdek, tadbir davomida xotin-qizlarni kitobga, mutolaaga qiziqishini oshirish maqsadida “Kitoblar yarmarkasi” ham tashkil etildi.
