Surxondaryolik hunarmandlar g‘oliblar qatorida

Farg‘ona viloyati Qo‘qon shahrida II Xalqaro hunarmandchilik festivali bo‘lib o‘tganidan xabardormiz. Ushbu nufuzlu festivalda 70 dan ziyod mamlakatdan 260 nafardan ortiq mohir hunarmand ishtirok etib, festivalning yopilish tadbirida g‘olib va sovrindorlarga pul mukofotlari hamda diplomlar topshirildi.
Albatta, surondaryolik mohir va qo‘li gul hunarmandlarimiz ham quruqqo‘l bilan qaytishmadi. Xizmatlari e’tiborga tushdi va e’tirof etildi. Xususan, Surxondaryo viloyati vakillari Maftuna Azizova (Boysun tumani) 25 metrlik gilam uchun “Eng yaxshi hunarmand” yo‘nalishi bo‘yicha 1-o‘rinni, Nilufar Gulboyeva (Qumqo‘rg‘on tumani) “Eng yosh hunarmand” nominatsiyasida, Iqlima Toshboyeva (Sho‘rchi tumani) “Eng yaxshi kashtachi” nominatsiyasida g‘oliblikni qo‘lga kiritib, pul mukofotlari bilan taqdirlanishdi.