Maqsadiga yetishdi

22-sentabr – Xalqaro avtomobilsiz kuni, ammo, avtomobilsiz kunimizni tasavvur eta olmaymiz. Shuni ham unutmslik kerakki, uzog‘imizni yaqin qiladigan bu avto ulovlarimizdan chiqadigan gaz va tutun ekologiya va o‘zimiz uchun qanchalar zarar. Ayni shu jihatni hisobga olgan Ekologiya, atrof-muhitni muhofaza qilish va iqlim o‘zgarishi vazirligi Surxondaryo viloyati boshqarmasi hamda Termiz Iqtisodiyot va Servis universiteti hamkonlikda sana munosabati bilan Termiz shahrida yurish marafoni hamda plogging aksiyasini o‘tkazdilar.
Aksiyada dastlab tadbir ishtirokchilariga sananing ekologik ahamiyati, atmosfera havosini muhofaza qilish borasida olib borilayotgan ishlar, avtomobillarning atrof-muhitga ta’siri tushuntirib o‘tildi. Targ‘ibot materiallari tarqatildi. Shundan so‘ng, marafon va plogging aksiyasiga start berildi. Yoshlar va soha mutaxassislari targ‘ibor-tashviqot ishlaridan zavq olishdi. Ishtirokchilar bitta bo‘lsa ham fuqaroning fikrini o‘zgartirib, o‘z safiga qo‘sha olishdimi, demak aksiyadan ko‘zlangan maqsadga yetishdi, deyish mumkin.