Faoliyat samaradorligi tanqidiy tahlil qilindi

Adliya vaziri o‘rinbosari X.Meliyev boshchiligidagi ishchi guruh Adliya vazirligining eng quyi tizimlari faoliyatini o‘rganish maqsadida Surxondaryo viloyatida ekanidan xabardormiz. O‘rganishlar davomida 2023-yilning o‘tgan davri mobaynida Surxondaryo adliya boshqarmasi tomonidan davlat xizmatlari ko‘rsatilishi ustidan nazorat qilish sohasida amalga oshirilgan ishlar hamda yo‘l qo‘yilgan kamchiliklar bo‘yicha davlat xizmatlarini ko‘rsatuvchi davlat organlari va tashkilotlarning rahbar xodimlari ishtirokida seminar tashkil etildi.
Tadbir davomida davlat xizmatlarini ko‘rsatish sohasiga oid qonunchilikda belgilangan tartiblar mazmun-mohiyati bo‘yicha tushuntirishlar berildi. Qolaversa, davlat xizmatlarini ko‘rsatishda yo‘l qo‘yilgan kamchiliklar sabablari bo‘yicha rahbarlarning izohi eshitildi. Shuningdek, huquqbuzarliklarning obyektiv va subyektiv sabablari tubdan o‘rganib chiqilib, zarur choralar, shu jumladan aybdorlarga tegishli jazo chorasi qo‘llanilishi belgilab olindi.