…o‘quv-seminar o‘tkazildi

Davlatning bosh qomusi, qonuni fuqarolar manfaat va huquqlarini himoya qiladi, jamiyatda adolat o‘rnatib, hayotini farovonlashtirishga, turmushini yaxshilashga, davlat boshqaruvidan rozi yashashga undaydi. Joriy yilda konstitutsiyamizga o‘zgartirish va qo‘shimchalar kiritilib, yanada sayqal topib, xalqchilligi ta’minlandi, yanada tushunarli hamda qonunan mukammallashdi. Yangi tahrirdagi O‘zbekiston Respublikasi Konstitutsiyasini o‘qib o‘rganish, tahlil qilish lozim. Ana shundagina huquqlarimiz, majburiyat va burchlarimiz yanada oydinlashadi.
Sherobod pedagogika kollejida Yangi tahrirdagi O‘zbekiston Respublikasi Konstitutsiyasining mazmun-mohiyati yuzasidan ekspertlar guruhi tomonidan zoom-platformasi orqali o‘quv-seminar bo‘lib o‘tdi. Unda mahalliy davlat hokimiyati organlari xodimlari va sud, huquqni muhofaza qiluvchi organ xodimlari hamda tumandagi barcha korxona va tashkilot rahbar va o‘rinbosarlari, shuningdek, mahalla raislari va boshqalar qatnashishdi.
O‘quv-seminar O‘zbekiston Respublikasi Prezidentining 2023-yil 8-maydagi “Yangi tahrirdagi O‘zbekiston Respublikasi Konstitutsiyasini amalga oshirish bo‘yicha birinchi navbatdagi chora-tadbirlar to‘g‘risida”gi PF-67-sonli Farmoni hamda O‘zbekiston Respublikasi Prezidenti huzuridagi Davlat xizmatini rivojlantirish agentligining tegishli xatiga asosan tashkil etildi.