Ilg‘or terimchilar rag‘batlantirildi

Ayni paxta yig‘im-terimi mavsumida dalada ish qizg‘in. terimchilar javlon urib, kim o‘zarga musobaqalashayotgandek, etaklarini to‘ldirib, oq oltin terib, birma-bir paxtasi qancha tosh bosganini o‘lchashga tutingan. Albatta, bu jarayon, o‘ziga xos daladagi bu bellashuv esa paxta rejasini bajarishga zamin yaratayapti.
Surxondaryo viloyati hokimi Ulug‘bek Qosimov Qumqo‘rg‘on tumanida bo‘lib, “Jayxun klaster” MChJga qarashli “Murtazo Doniyor” fermer xo‘jaligining 20 gektarlik dalasida paxta yig‘im-terim ishlarining borishi bilan tanishish bahonasida ana shunday ilg‘or terimchilarni rag‘batlantirishini-da unutmadi.
Shuningdek, viloyat rahbari terimchilar bilan suhbatlashib, ular uchun dalada yaratilgan sharoitlarni ko‘zdan kechirdi. Ilg‘or terimchilarning mehnatlari e’tirof etilib, ularga sovg‘alar topshirildi.