Navbatdagi seminar: sinflarni komplektlash hamda tarifikatsiya qilish

“Umumta’lim muassasalarida sinflarni komplektlash hamda tarifikatsiya ro‘yxatlarini shakllantirish tartibi to‘g‘risida”gi Nizomda belgilangan ko‘rsatkichlar bo‘yicha soha xodimlariga aniq va to‘liq ma’lumot berish maqsadida Maktabgacha va maktab ta’limi vazirligi tomonidan bugun ZOOM dasturi orqali onlayn o‘quv-seminari tashkil etildi. Seminarda viloyat Maktabgacha va maktab ta’limi boshqarmasi mas’ullari hamda har bir tuman, shahardan direktorning o‘quv ishlari bo‘yicha o‘rinbosarlari ishtirok etishdi.
Seminarda yig‘ilganlarga sohaga oid zarur ma’lumotlar tushuntirilib, ularni qiziqtirgan savollarga atroflicha javob berildi. So‘ngda esa barcha umumta’lim maktablari rahbar va xodimlari, fan o‘qituvchilari uchun boshqarma tomonidan kaskad usulida o‘quvlar tashkil etilishi rejalashtirildi.