Garant ish faoliyatini boshladi

Bugungi kunda tadbirkorlik subyektlarining ish boshlashi, savdo va xizmat ko‘rsatish nuqtalarining ochilishi aholiga har tomonlama qulaylik tug‘dirmoqda. Eng muhimi, talab va ehtiyojidagi mahsulot va xizmat turlaridan foydalanishga imkoniyat tug‘dirsa, boshqa tomondan ishbilarmonlik muhitini yaratib, yangidan-yangi ish o‘rinlari ochilishiga ham sabab bo‘layotir.
Sho‘rchi tumanidagi 4-sektor hududida faoliyat boshlagan Garant – savdo majmuasi ham ana shunday maqsadga xizmat qilayapti, deyish mumkin. Majmuada barcha turdagi, xususan 11 ming xildagi mahsulotlar o‘rin olgan. Asosiysi, ushbu mahsulotlarni istagan shaklda sotib olish imkoniyati mavjud. Mazkur savdo markazi faoliyatini boshlashi bilan 35 ta yangi ish o‘rni yaratilib, ularning ishlashi uchun barcha shart-sharoit va qulayliklar yaratilganini alohida qayd etish lozim.