XAYRLI TASHABBUS

Bugun oila, uning mustahkamligi haqida bot-bot to‘xtalamiz. Kezi kelsa, tanbeh bersak, ba’zan sharqona nasihatlarimizni berishdan charchamaymiz. Ana shunday tag‘ibot-tashviqotlarimiz naf berib, oilalar orasida ajrimlar bo‘lmasa bo‘lgani. Bosh maqsadimizga yetgan bo‘lamiz.
Ammo, afsuski, shunga qaramay, yoshlar orasida sabr va irodaning yetmasligi, hayot sinovlariga dosh bea olmayotgani, ba’zi kelin-kuyovlarning turmushga tayyor emasligi, uchinchi shaxs aralashuvi kabi turli vajlar bilan ajrimlar kuzatilmoqda. Qumqo‘rg‘on tumani Oila va xotin-qizlar bo‘limi tomonidan “Arpapoya” mahallasida ajrim yoqasiga kelib qolgan oilalar bilan sayyor qabul tashkil etildi.
Qabulda ajrim yoqasidagi oilalar ishtirok etdi. Ishchi guruh tomonidan har bir oila diqqat bilan tinglanib, ular bilan alohida suhbat olib borildi. Shundan so‘ng, ularni yarashtirish choralari ko‘rildi. Quvonarlisi, sayyor qabul davomida 3 ta oila qo‘rg‘oni qayta tiklandi.