Yurtimiz o‘z qo‘shnilari bilan mustahkam aloqa o‘rnatgan bo‘lib, hududning va sohalarga oid imkoniyatlaridan kelib chiqib, mustahkam hamkorlik ham o‘rnata olgan. Bu esa o‘z navbatida investitsiya kiritishda, iqtisodiy rivojlanishga hissa qo‘shayotir. Ana shunday aloqalarni davom ettirish maqsadida Surxondaryo viloyati hokimi Ulug‘bek Qosimov vohamizga tashrif buyurgan Tojikistonning O‘zbekistondagi Favqulodda va muxtor elchisi Raxmonzoda Abdudjabbor Azizni qabul qildi.
Uchrashuvda tomonlar o‘zlarining iqtisodiy, ijtimoiy, geografik imkoniyatlaridan kelib chiqqan holda hamkorlik qilish borasida so‘z yuritdilar. Qolaversa, qishloq xo‘jaligi, charmpoyabzal, yengil sanoat kabi sohalarda o‘zaro kelishuvlarga erishildi. Tojikiston bilan xususan, Surxondaryo va Xatlon viloyatlarining o‘zaro hamkorlik aloqalari ikki tomon uchun ham manfaatli bo‘lishi shubhasiz.
S.Murodova
