Qaysidir sohada butun umr mehnat qilamiz. Vaqti kelib ushbu mehnatlarimizning rohati sifatida nafaqaga chiqish ham bor. Unutmaylikki, hamma davlatlarda ham keksalarga nafaqa tayinlash tizimi joriy etilmagan. Ammo, ishsiz fuqarolar nafaqa yoshiga yetgach, nafaqa ololmayman degan tashvishda bo‘ladi. Shu o‘rinda aytish kerakki, qalovini topsang, qor ham yonadi. Bu fikr bilan maqsadga yetishning oson va nohalol yo‘llariga boshlashdan yiroqmiz. Shunchaki, amaldagi qonunlarimiz, unda belgilangan imtiyozlarni bilishning o‘zi kifoya. Ya’ni bu ishsiz fuqaro 7 yil ijtimoiy soliq to‘lasa, pensiya olish huquqiga ega bo‘ladi degani.
Bunda Prezident qarori bilan 78 turdagi mehnat faoliyati bilan shug‘ullanuvchilar o‘zini o‘zi band qilgan shaxs sifatida ro‘yxatdan o‘tib, kamida BHMning bir barobari (330 ming so‘m) miqdorida ijtimoiy soliq to‘lovini to‘lasa, 1 yil mehnat stajiga ega bo‘ladi.
Manbalar asosida H.Kamolova tayyorladi
