Har bir sport turning o‘z qoidalari, jang qilish uslubi bor. Sportchi esa ana shu talablar asosida shug‘ullanadi, o‘z mahoratini oshiradi. Ayni shu jihatdan qo‘l jangi sport turida ham shunday. Yurtimizda, vohamizda ham qo‘l jangi keng ommalashgan bo‘lib, ushbu yo‘nalishda ham sportchilarimiz qator yutuqlarga erishib kelmoqda.
Qozog‘iston Respublikasining Astana shahrida qo‘l jangi sport turi bo‘yicha kattalar o‘rtasida o‘tkazilgan jahon chempionati yangi sportchilarni kashf etishga xizmat qildi. Chempionatda qo‘l jangi sport turi ustasi Odil Xolmurodovning shogirdi muzrabotlik Husniddin Ro‘ziyev ham ishtirok etib, o‘z mahoratini namoyish etdi. Husniddin 73 kilogramm vazn toifasida faxrli 3-o‘rinni egalladi.
Hilol
