Sariosiyo tumanidagi “Tortuli” mahallasida joylashgan 24-sonli umumta’lim maktabida deputatlar — Go‘zal Samiyeva hamda mahalliy kengash vakili tomonidan ta’lim jarayonlari va yaratilgan sharoitlar o‘rganildi.
Tashrif davomida pedagoglar bilan ochiq muloqot o‘tkazilib, qonunchilikdagi yangiliklar hamda O‘zbekiston — 2030 strategiyasi doirasidagi islohotlar yuzasidan ma’lumotlar berildi. Shuningdek, o‘qituvchilarning taklif va murojaatlari tinglanib, dolzarb masalalar muhokama qilindi.
Mazkur uchrashuv ta’lim tizimini zamon talablari asosida rivojlantirish, pedagoglar nufuzini oshirish va sifatli ta’limni ta’minlashda muhim ahamiyat kasb etadi.
