Raqsidan ko‘z quvonib…

Date:

Raqsning turlari ko‘p. Milliy raqslar esa o‘zida millat ruhini, shukuhini singdirgandek tomoshabinda o‘zgacha zavq va shavq bag‘ishlaydi. Ammo, surxoncha raqs bo‘lakcha. Surxoncha ohanglar sadosi yangrashi bilan insonda ko‘tarinki kayfiyat hukmron bo‘ladi. Bu ohang quloqlarga xush yoqib, qon-qonga singiydi, tomirlarda jo‘shadi. Sahnada esa surxoncha libosdagi qiz namoyon bo‘ladi-yu, sho‘x-shodon ohangga hamohang tarzda yelka qoqadi, qo‘llarini harakatga keltiradi. Tabassum ila boqishlar, noz-ishvali xiromlar esa sizni sahnaga mixlab qo‘yadi. Ohangning oxiriga qadar raqsga mahliyo bo‘lib, tomoshasidan ko‘z uza olmay qolasiz.
Ha, surxoncha raqs ana shunday jo‘shqin, ana shunday sehrli. “Besh tashabbus olimpiadasi” doirasida tashkil etilgan “Yoshlar raqs festivali” respublika bosqichida ishtirok etish ishtiyoqida yongan ishtirokhi borki, sahnada bor mahoratini namoyon etdi. Ohangga sel bo‘lib, raqsga tushdi. Ammo, surxoncha raqs, surxondaryolik raqqosa qizning chiqishi o‘ziga xos edi. U tomoshabinlar mehrini, hakamlar e’tiborini torta oldi. Ushbu ishtirokchi Termiz shahri “Jayhun” mahallasidan Dilnoza Normamatova bo‘lib, u 16-21 yosh toifasida “Milliy raqs” yo‘nalishida 1-o‘rinni qo‘lga kiritdi.

H.Baxtiyorova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

O‘z ishidan mamnun

Ba’zi fuqarolar osh bo‘lsa-yu, ish bo‘lmasa, qabilida ish tutishni,...

Somonpoya qoldiqlarini yoqishga chek qo‘yildi

Ba’zan ekologiyani asrab-avaylash haqidagi chiqishlarimiz, targ‘ibot-tashviqotlarimiz odamlar qulog‘iga yetib...

Bolajonlar ardoqda

Inson tabiatan mo‘’tadillikni yaxshi ko‘radi. Me’yoridan ortiq issiq ham,...

Luqmani harom qilmang!

Insonning salomatligi ko‘p hollarda u iste’mol qilayotgan oziq-ovqat mahsulotlariga...
KunTun
KunTun