Futbol o‘yinlarini tomosha qilish qiziqarli jarayon. Ayniqsa, buni futbol muxlislari juda yaxshi bilishadi. Ikkita jamoaning bir-biriga qarshi to‘p surishi, raqibdan to‘pni olib qochib, sherigiga uzatish, darvoza yaqinigacha olib borib, to‘pni uloqtirish va gol… ha bu hayajonli daqiqalar bo‘lish bilan birga futbolchilarning mahoratlari talab etiladigan fursat.
Sho‘rchi tumanida ham futbol bo‘yicha davlat xavfsizlik xizmati kubogi musobaqasi ham ana shunday qizg‘in jarayonlarga boy bo‘ldi. Maydonga tushgan o‘yinchilar esa futbolchi qizlar edi. Qizlar ham aslo yigitlardan qolishmay to‘p surishlarini o‘yin davomida isbotlashdi va o‘z mahoratlarini ko‘rsatishdi.
Tomoshaga kelganlar esa har bir jamoani qo‘llab-quvvatlab turishdi. Natijada musobaqaning tuman bosqichida 1-o‘rinni egallagan “Qora ariq” mahallasining futbolchi qizlari viloyat bosqichida ishtirok etishadigan bo‘ldi. G‘olib va faol ishtirok etgan jamoalarga diplom, medal, estalik uchun telefon, televizor va g‘oliblik kubogi tantanali topshirildi.
S.Murodova
