Oromgohga kuzatildi

Date:

Yozgi ta’til boshlanganini dildan his etish uchun albatta, oromgohga yo‘l olish, do‘stlar orttirib, munosib dam olmoq lozim. Ana shundagina yangi o‘quv yili ko‘tarinki kayfiyatda boshlanadi, yangi bilimlar qunt va ishtiyoq bilan o‘zlashtiriladi. Termiz temiryo‘l vokzalida esa o‘zgacha shukuh hukmron. Ha, janubi-g‘arbiy maxsus harbiy okrug tasarrufidagi Termiz, Kakaydi va Xayraobod garnizonlarida xizmat qilayotgan bir guruh harbiylarning 57 nafar farzandi imtiyozli yo‘llanma asosida Toshkent viloyatidagi “Tong” va Samarqand viloyatidagi “Ya.Tursunov” nomli sog‘lomlashtirish oromgohlariga yo‘l olishadi. Dam olish niyati va ishtiyoqida yonayotgan o‘g‘il-qizlar Termiz temir yo‘lidan tantanali ravishda kuzatildi.


Aytish joizki, oromgohda dam olish uchun har bir yo‘llanmaning 70 foizi Mudofaa vazirligi tomonidan, qolgan 30 foizi harbiy xizmatchilar tomonidan to‘langan. Muhimi bolalarning oromgohda vaqtlarini mazmunli o‘tkazib, foydali va qiziqarli mashg‘ulotlar bilan band bo‘lishlari, mutolaaga oshno bo‘lib, ko‘plab do‘stlar orttirishlari, asosiysi o‘tgan vaqtlariga achinmasliklaridir.


Bolajonlarni kuzatish tadbiri ko‘tarinki ruhda o‘tdi. Marosimda janubi-g‘arbiy maxsus harbiy okrug Janubiy operativ qo‘mondonligi maʼsul ofitserlari, harbiy qism komandirlarining tarbiyaviy va mafkuraviy ishlar bo‘yicha o‘rinbosarlari va bolajonlarning ota-onalari hamda davlat va jamoat tashkilotlari vakillari ishtirok etib, bolalarga oq yo‘l tilashdi. Termiz garnizoni harbiy orkestor jamoasining vatanni madh etuvchi kuy va qo‘shiqlari ostida bolajonlar kuzatildi.

H.Kamolova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

“Yuksalish” harakati Latviya bilan hamkorlikda…

Latviya tashki ishlar vazirligining moliyaviy ko‘magida “O‘zbekistonda iqlim o‘zgarishi...

NOHAQLIK…

Hayotimiz tabiat bilan chambarchas bog‘liq. Insoniyat yaralibdiki, tabiat uning...

Termiz tumani yangi qiyofa kasb etib…

Respublikamizning barcha joylarida bo‘lgani kabi Termiz tumanida ham keng...

“MAHALLA YETTILIGI” BILAN O‘ZARO HAMKORLIK AMALDA…

Bugun mahallalar jamiyat hayotining va islohotlarning boshlang‘ich nuqtasiga aylanmoqda....
KunTun
KunTun