Mashhur va muvaffaqiyatga erishgan sportchilarning yutug‘i haqida eshitish yoshlar uchun motivatsiya bo‘lishi, o‘z oldiga katta maqsad va marralarni qo‘yishga sabab bo‘lishi hech gap emas. Ayniqsa, jismonan nuqsoni bo‘lsa-yu, sportda championlikka da’vogar bo‘lsa… bunday sportchilar, albatta, barchani tushkunlikdan chiqarib, olg‘a intilishga kuch beradi. Ana shunday maqsadda “Termiz” davlat muzey-qo‘riqxonasida surxondaryolik paralimpiya sovrindorlariga bag‘ishlangan foto ko‘rgazma tashkil etildi.
Ko‘rgazmada taekwondo bo‘yicha Osiyo va jahon chempionati g‘olibi Guljanoy Naimova, para yengil atletika bo‘yicha xalqaro “Granpri” turniri, O‘zbekiston chempionati sovrindori Ma’rufjon Murodillayev kabi o‘nga yaqin sportchi yoshlarning erishgan yutuqlari aks etgan suratlar namoyish etilgan. Ko‘rgazmaga kelganlar maroq bilan tomoshaga berildilar. O‘z navbatida maxsus kuzatuvchi tomoshabinlarga sportchilar haqida batafsil ma’lumotlar berib, ularning erishgan g‘alabalari haqida so‘zlab berdi.
Sohibjamol
