Tadbirkor 40 ta uy hadya qildi

Date:

Kamola Hasanova ota-onasidan ajralib, ko‘p qiyinchiliklar ko‘rdi. Momosi, amakilari qo‘lida ulg‘aydi. Bu yilgi Ramazon hayiti esa unga olam-olam quvonch baxsh etdi. Unga sovg‘a sifatida keng va yorug‘, shinam uyning kaliti topshirildi. Bir kunda vatanli, boshpanali bo‘lmoqlikning baxti-yu, quvonchini bir tasavvur qiling-a? Yetmaganiga ushbu xonadonda barcha qulayliklar, maishiy jihozlar va mebellar badastir bo‘lsa…
Sherobod tumanidagi Kamola Hasanova yanglig‘ 40 nafar uy-joyga muhtoj, boquvchisini yo‘qotgan xotin-qizlar va nogironligi bor insonlarga ana shunday uy-joylar mahalliy tadbirkor hisobidan bunyod etilib, hadya qilindi. Mamlakatimizda ehtiyojmand xotin-qizlar, kam taʼminlangan oilalar va nogironligi bor yurtdoshlarimizni uy-joy bilan taʼminlashga alohida eʼtibor qaratilayotgan, hududlarda ijtimoiy turar-joy binolari barpo etilayotgan bir paytda saxovatpesha tadbirkorlarning borligi, ularning bir chetda tomoshabin bo‘lib turmasdan mehr-muruvvat ko‘rsatib, barcha sharoitlarga ega zamonaviy turar-joy binolari qurib berayotgani yuksak insoniylik fazilatlarining bir ko‘rinishi deyish mumkin. Mana shunday saodatli kunda ehtiyojmandlarga uy tuhfa qilgan tadbirkor o‘z nomini ochiqlamaslikni istadi. Saxovatpesha tadbirkor o‘tgan yili ham tumandagi 27 ta kam taʼminlangan uy-joyga muhtoj oilaga kottej uylari qurib, hadya qilgan edi.
Ushbu uy-joylarning kaliti tantanali ravishda topshirildi va xonadon egalarining quvonchiga Surxondaryo viloyat hokimi ham sherik bo‘lib, o‘zining samimiy tilaklarini bildirdi.

Surxontongi.uz

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Onlayn qabulda 837 nafar fuqaroning murojaati tinglandi

Xalq qabullari odamlarni qiynab kelayotgan muammolarini bartaraf etishga, orzu...

Emlash — eng yaxshi chora

Internet tarmog‘i borki, bugun dunyoning qaysi burchagida nima sodir...

Cord Versmold Afg‘oniston fuqarolarini o‘qitish ta’lim markazida

Germaniyaning “GIZ” Xalqaro tashkiloti “Afg‘oniston fuqarolarini Tеrmiz shahriga jalb...

Investitsiya loyihalari bilan tanishildi

Ish o‘rinlari yaratilishida xizmatlar sohasi muhim tarmoq hisoblanadi. Ushbu...
KunTun
KunTun