Erta tongdan Termiz tumanidagi kasb-hunar maktabida bayramona shukuh hukmron. Kasb-hunar maktabining o‘quvchilari esa o‘ziga xos tayyorgarlik ko‘rishgan. Mehmon sifatida taklif etilgan tumandagi umumta’lim maktablarining 9-sinf bitiruvchilari esa gap nimada ekanini ko‘rgazma davomida bilib olishdi.
Sababi ular uchun “Kasblar festivali” tashkil etildi. Festival ishtirokchilari kasb-hunar maktabi o‘quvchilari tomonidan yaratilgan ijodiy ishlar, ixtisoslik va kasblar bo‘yicha ko‘rgazmalarni katta qiziqish bilan tomosha qildi. Kimnidir bir-biridan ajoyib chizilgan liboslar dizayni e’tiborini tortgan bo‘lsa, kimlardir pazandalikka qiziqib, pishir-kuydir, shirinliklarning tayyorlanish jarayonini kuzatishdi. O‘g‘il bolalar esa ustachilik, duradgorlik kasbining sir-asrorlari haqida so‘rashga tutunishdi. Ushbu kasb-hunar maktabida esa yuqoridagi kasb va hunarlar o‘z sohasining ustalari, mohir mutaxassislari tomonidan o‘rgatilishi e’tirof etildi. Yoshlarni kasbga yo‘naltirish bo‘yicha targ‘ibot-tashviqot ishlari qizg‘in tus oldi. Muhimi esa umumtaʼlim maktablarining 9-sinf bitiruvchilari 2023-2024-o‘quv yili qabul jarayonlariga faol jalb qilindi.
S.Davlatova
