Vatanga muhabbatni uyidan ayro yashab ko‘rgan insonchalik hech kim yaxshi tushunmasa kerak. Unga xizmat qilish ham yoshlar qalbida o‘z-o‘zidan sodir bo‘lmas balki. Buning uchun bir turtki kerak. Surxondaryo viloyatida start olgan “Jasorat maktabi” loyihasi esa yoshlarga ana shunday turtkini bera oladi, deyish mumkin.
Foydali ish bilan mashg‘ul bo‘lsak ham, bekorchilik bilan ham vaqtimiz o‘tadi. Maqsad o‘tayotgan vaqtni, umrni mazmunli o‘tkazishdir. Bu muddat ichida “Jasorat maktabi” loyihasida amalga oshiriladigan tadbirlar yosh qalblarda Vatanga muhabbat tuyg‘usini shakllantirishga xizmat qiladi. Termiz shahridagi Yoshlar markazi binosi erta tongdan vohaning turli hududlaridan kelgan yoshlar bilan gavjum bo‘ldi. Tashkil etilgan yoshlar karvoni Termiz tumanida joylashgan 18299-harbiy qismga yo‘l oldilar.
Barcha aytilgan manzilda tantanali kutib olindi. Aytish kerakki, ushbu 10 kunlik “Harbiy sog‘lomlashtirish oromgohi”da yoshlar bo‘sh vaqtlarini mazmunli o‘tkazadi. Buning uchun harbiy qism vakillari turli tadbirlar o‘tkazishni reja qilishgan. Qolaversa, ushbu loyiha harbiylar hayotini yaqindan o‘rganishga yordan beradi.
S.Davlatova
