O‘zgalarga mehr-shafqat, muruvvat ko‘rsatish o‘zbek xalqining qon-qoniga singib ketgan. Doimo yordam qo‘lini cho‘zib, yuksak insoniylik tuyg‘ularini namoyon etishimiz bilan har qancha maqtansak arziydi. Bu safar ham o‘zbek xalqi qo‘shnisining boshiga tushgan ko‘rguliklarga jim qarab turmadi… Erta tongdan BMTning Qochqinlar bo‘yicha agentligi, Qochqinlar bo‘yicha Oliy komissarligi O‘zbekiston hukumati ko‘magida Termiz shahridagi xalqaro ko‘p funksiyali transport-logistika xabi orqali Afg‘onistonga navbatdagi beg‘araz yordamini jo‘natdi.
48 mingdan ortiq ko‘rpa (odyal)-to‘shakdan iborat beg‘araz yordam yuki ortilgan 12 ta avtomashina “Ayritom” chegara o‘tkazish punkti orqali qo‘shni mamlakatning Mozori Sharif shahriga jo‘nab ketdi.
BMTning Qochqinlar bo‘yicha Oliy komissarligi O‘zbekiston ko‘magida Afg‘onistonda mavjud 34 viloyatdagi 5 million 900 ming kishiga asosiy ehtiyoj buyumlari va moddiy ko‘mak, shuningdek, huquqiy himoya va integratsiya bo‘yicha yordam bergan.
Sohibjamol
