Amaliy mashg‘ulotlar asosida davom etdi…

Date:

Shahar va tumanlarimiz yangidan yuz ochib, katta qurilish va obodonlashtirish ishlari amalga oshirilayotgani ko‘rgan ko‘zni quvnatadi. Ammo, ko‘plab uy-joylarning buzilib, aholining asosan ko‘p qavatli xonadonlarga ko‘chib ketayotgani, oila qo‘riqchisi bo‘lmish itlarining qarovsiz, ko‘chada qolishiga sabab bo‘lyapti. Aholi gavjum hududlarda, ko‘chalarda kuchuklar galasiga duch kelib, ularning yonidan o‘tishga qo‘rqasan kishi.
To‘g‘ri-da, biror kuchuk tashlanib qolsa bormi… yetmaganiga bu itlar emlanganmi, hech bir kasallikka chalinmaganmi, bunisi noma’lum. Shu o‘rinda, it quturgan bo‘lsa, buni o‘ylashning o‘zi dahshat.
Angor tumanida “Quturish kasalligining kelib chiqishi va tarqalishining oldini olish tadbirlarida FVDT xizmatlarining hamkorlikdagi harakatlari” mavzusida tashkil etilgan o‘quv mashg‘ulotlari esa birinchi yordam ko‘rsatish, it qopganda qanday yo‘l tutish lozimligi haqida tushuncha olishga xizmat qildi.
Mashg‘ulotlar davomida jarohatlangan odamga zudlik bilan birinchi tibbiy yordam ko‘rsatish, itning tekshirilishi uchun obodonlashtirish bo‘limi xodimlari tomonidan olib ketilishi, voqea joyida veterinariya xizmati tomonidan amalga oshirilishi lozim bo‘lgan harakatlarning barchasi ko‘rsatib berildi.
Aholining it va mushuklarini ro‘yxatga olish, kasallikka qarshi emlatish bo‘yicha ogohlantirish uchun muntazam ravishda shu kabi targ‘ibot tadbirlarini tashkil etish choralari muhokama etildi.

S.Murodova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Boysunda piknik zonalar bor…

Bahor go‘zal fasl. Yon-atrofning ajib ko‘rinish kasb etishi kishini...

29 nafar ishsiz ishli bo‘ldi

Ishsizlarni “qayerda ish bor-u ishlasam bo‘lar ekan”, degan savol...

“O‘zimiz keldik”

Mualliflik huquqi haqida bilasizmi? Bunday huquqlarimiz qonunchilik yo‘li bilan...

Ekologik normalarga rioya qilinmasa…

Ekologiyani asrash borasida bong urayotgan bir paytda ba’zi ishbilarmon...
KunTun
KunTun