Yiliga 50-60 million so‘m daromad…

Date:

Yerni boqsang, yer seni boqadi deya bejizga aytishmagan. Bunga sho‘rchilik Sodiq Turdiyev o‘zining to‘qqiz yillik mehnati va tajribasi misolida amin bo‘lib kelmoqda. Asl kasb-u kori hisobchi bo‘lgan bu insoon shunchaki havas va bo‘sh vaqtida ermak bo‘lsin deb tomorqasidan mo‘jazgina issiqxona qurib sitrus mevalari bo‘lmish mandarin, apelsin va limon ekkandi. Ko‘chatlar parvarishidan, kunda, kunora ko‘karib, rivoj topib, bo‘y cho‘zayotganidan ruhlanib, bu ishga sho‘ng‘ib ketdi. Ko‘chatlar qarovchisini uzoq kuttirmay meva tugib, hosil berganida esa Sodiq Turdiyev o‘z mehnatining rohatini dildan his etdi.

Mana yillar davomida ro‘zg‘ordan ortganini bozorga, qo‘ni-qo‘shnilarga chiqarganidan daromad ko‘ra boshladi. Inson mehnat qilsa, mehnati yerda qolmas ekan. U oilaga, xonadonga baraka olib kelarkan.
—Bunday o‘zgacha mevalarni yetishtirish men uchun nafaqat tadbirkorlik, balki zavqli mashg‘ulot, — deydi S.Turdiyev. – Dastavval issiqxonadagi ko‘chatlar hosilga kirguncha, pomidor, bodring, turli xildagi ko‘katlarni ham yetishtirdik. Yillar o‘tib, sitrus mevalarimiz hosil bera boshladi. Asta-sekin tajribamiz oshib, yutuqlarga erishyapmiz. Har bir daraxtni o‘rganib chiqib, o‘z iqlimimizga moslashtiryapmiz. Yiliga 50-60 million so‘m daromad qilyapmiz.
Sodiq Turdiyevning boy tajribasi esa u yashaydigan “Yakkabog‘” mahallasi ahli uchun eng yaxshi namuna. Hattoki, qo‘ni-qo‘shnilar, tanish-bilishlar kelib, bog‘bon akasidan sitrus mevalar yetishtirish bo‘yicha kerakli yo‘l-yo‘riq va tavsiyalarni olib kelishmoqda.

Sohibjamol

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Bekatlarni yo‘lovchilarga qaytarish maqsadida…

Bekatlarni yo‘lovchilarga qaytarish maqsadida…Bekatlar “Aqlli” tus olavergani sabab, yo‘lovchi...

“Yulduzli tunlar” romani ingliz tilida chop etildi

Oʻzbekiston xalq yozuvchisi Pirimqul Qodirov qalamiga mansub “Yulduzli tunlar”...

Qizilqoya massividagi issiqxonalar to‘liq ishga tushiriladi

Shoir aytganidek, surxon zaminiga cho‘p qadasangiz, undan barg nishlari...

276 nafar xo‘jalik sifatli elektr energiyasi bilan ta’minlandi

Yilning qay faslida chiroq o‘chsa, o‘chsinki, qishda o‘chmasin. Elektr...
KunTun
KunTun