Boks sport turining ishqibozlari ko‘plab topiladi. Ayniqsa, Amerikada tez-tez jangler tashkil etilib, ishqibozlarning e’tiboriga havola etildi. AQShning Kaliforniya shtatida professional boks oqshomi ham ayni maqsadda o‘tkazildi. Ushbu jang oqshomining mehmoni esa Tokio Olimpiadasi chempioni, vohadoshimiz Bahodir Jalolov edi. U amerikalik Kyortis Xarperga qarshi ringga ko‘tarildi.
Yaxshi bilamizki, 10 raundga mo‘ljallangan jang bor yo‘g‘i 4-raundda o‘z yakuniga yetdi. Sababi Bahodir raund o‘rtalarida raqibini burchakka taqadi va kuchli zarbasi bilan Xarperni muvozanatdan chiqardi. Ushbu vaziyatda referi hisobni ochdi va jangni to‘xtatdi.
Bu g‘alaba orqali Bahodir Jalolov professional boksdagi 12-jangida 12-g‘alabasiga erishdi. Maqtanib o‘tish joizki, Jalolov o‘zining barcha raqiblarini muddatidan oldin mag‘lubiyatga uchratgani ustunlikka erishib kelmoqda.
Hilol
