Surxon zamini Alpomish-u Barchinlarni o‘z bag‘rida ulg‘aytirgan, chiniqtirgan yurt. bu vohaning vorislari ham ajdodlariga munosib avlod bo‘lishni diliga tugib, bolalikdan kurashib, olishib, kurashlarda, maydonlarda suyagini qotiradi. Ayni shunday qizlari ham alplikka, polvonlikka da’vogar.
Hindistonning Puna shahrida kattalar o‘rtasida kurash bo‘yicha tashkil etilgan Jahon chempionatida alp yigitlar qatori vohaning Barchin qizlari ham maydonga tushdilar. Or uchun, yurt sha’ni uchun “Yo pirim” deb kurashdilar. Angorlik polvon Mohinur Mo‘minovaga teng keladigani topilmadi. U 48 kilogramm vazn toifasida barcha raqiblarining kuragini yerga tekkizib, halol yengdi va birinchi o‘rinni qo‘lga kiritdi.
H.Baxtiyorova
