Toshkent shaharidagi “Universal” sport saroyi dzyudo bo‘yicha kattalar o‘rtasida O‘zbekiston chempionatiga mezbonlik qildi. Qoraqalpog‘iston Respublikasi, barcha viloyatlar hamda Toshkent shahridan jam bo‘lgan eng sara dzyudochilar uch kun davomida jami 14 ta (7 ta ayollar, 7 ta erkaklar) vazn toifalarida chempionlik uchun bahs olib bordilar. Bahslar esa murosasiz va qizg‘in kurashlarga boy bo‘ldi.
Quvonarlisi, chempionatda surxondaryolik dzyudochi polvonlarimiz ham munosib ishtirok etib, g‘olib va sovrindorlar qatoridan joy oldilar. 73 kilogramm vazn toifasida O‘rol Sodiqov 3-o‘rinni egalagan bo‘lsa, 100 kilogramm vazn toifasidagilar ichida Shermuhammad Jandreyevga teng keladigani topilmadi.
Ayollar o‘rtasida esa Shohisa nazarova ham birinchi o‘rinni band etdi.
S.Murodova
