Mahoratlar sinovdan o‘tkazildi

Date:

Osh – o‘zbekning shoh taomi. Palovxonto‘rani sevib iste’mol qilamiz. O‘zbekistonning hududlarida oshni turlicha tayyorlashadi. Har bir tayyorlanish usulida ham o‘ziga xoslikni, mazali ta’mni sezish qiyin emas. Samarqand oshida avval guruch, ustidan sabzi, so‘ng go‘sht qo‘yib, dasturxonga tortishsa, Buxoro oshi “Oshi sofi” deb ham ataladi. Pishirish usuli tufayli parhez taom hisoblanadi. U o‘ziga xos tarzda tayyorlaniladi, undagi masalliqlar Andijon yoki Toshkentdan farqli o‘laroq bir-biriga aralashtirilmaydi. Yana zirvakli, sarimsoqli, do‘lmali kabi ko‘plab osh turlari bor. Uning mazasini yanada chiqarish uchun oshpazdan mehr va qunt bilan pishirish talab etiladi.
Termiz davlat universiteti Xorijiy filologiya fakulteti tyutorlari va Yoshlar ittifoqi hamkorligida oliygohda tahsil olayotgan 1-kurs talabalari o‘rtasida pazandachilik tanlovi bo‘lib o‘tdi. Unda Qashqadaryo, Xorazm, Buxoro va surxondaryolik talabalar ishtirk etib, o‘z hududlarida tayyorlanadigan oshni damladilar. Ming marta eshitgandan ko‘ra bir bora tatib ko‘rishni ma’qul bilgan tomoshabinlar esa Samarqand-u Buxoro, Surxon-u Qashqadaryo oshlarining ta’mini o‘zlari ta’tib ko‘rib, tanishdilar, munosib bahoni berdilar.
Yakunda g‘olib bo‘lgan talabalar sertifikat va esdalik sovg‘a bilan taqdirlandi.

S.Davlatova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

O‘z ishidan mamnun

Ba’zi fuqarolar osh bo‘lsa-yu, ish bo‘lmasa, qabilida ish tutishni,...

Somonpoya qoldiqlarini yoqishga chek qo‘yildi

Ba’zan ekologiyani asrab-avaylash haqidagi chiqishlarimiz, targ‘ibot-tashviqotlarimiz odamlar qulog‘iga yetib...

Bolajonlar ardoqda

Inson tabiatan mo‘’tadillikni yaxshi ko‘radi. Me’yoridan ortiq issiq ham,...

Luqmani harom qilmang!

Insonning salomatligi ko‘p hollarda u iste’mol qilayotgan oziq-ovqat mahsulotlariga...
KunTun
KunTun