“Yashil makon” umummilliy loyihasi doirasida “Dolzarb 40 kunlik” amaliyotda ham muhim ahamiyat kasb etgan. Bu loyiha millionlab daraxt ekishgina emas, balki to‘g‘ri joyga ekish va parvarish qilishni ham nazarda tutadi. Prezidentimiz ta’biri bilan aytganda “Daraxt havas bilan ekilishi, xalqimiz, mahallalarimizning madaniyatiga aylanishi lozim”.
Boysun tumanida ham “Dolzarb 40 kunlik” doirasida e’tiborga molik ishlar amalga oshirildi. Tumandagi 2-son kasb-hunar maktabida tuman hokimi, tuman hokimining o‘rinbosari, kasb-hunar maktabining ishchi-xodimlari hamda yoshlar ishlari agentligi tomonidan 1500 dona mevali, manzarali ko‘chatlar hamda mavsumiy gullar ekildi.
Atrofni bezab turgan bu yashillik nafaqat ko‘zlarni quvnatadi, balki atrof-muhit, ekologiya sofligi uchun ham beminnat xizmat qiladi.
Sohibjamol
