Avtomobilingizni sotmoqchi bo‘lsangiz yoki sotib olish niyatingiz bo‘lsa, haftaning faqat bir kunida Denov tumaniga yo‘l olardingiz. Sababi avtomobil bozori aynan shu tumanda faoliyat olib borardi. Bu viloyatning markazi va boshqa tumanlardagi aholi uchun noqulaylik tug‘dirardi. Termiz tumani “Yangiobod” mahallasi hududida “Complex technical services” MCHJ tomonidan qurilayotgan zamonaviy avtomobil bozori va ehtiyot qismlari savdo kompleksining birinchi bosqichining ishga tushirilishi esa ko‘pchilikning ko‘nglidagi ish bo‘ldi.
Loyiha qiymati 90 milliard so‘m bo‘lgan zamonaviy avtomobil bozori va ehtiyot qismlari savdo kompleksining ushbu bosqichida “Termiz avto bozori” o‘z faoliyatini boshladi, natijada 50 ta yangi ish o‘rni yaratildi. Kompleks to‘liq quvvatda ish boshlagach, qo‘shimcha 450 ta ish o‘rni yaratiladi.
Loyihaning keyingi bosqichini amalga oshirish bo‘yicha ishlar davom etmoqda.
Hilol
